2023tik Araba Ura Bere Bidean proiektuaren egoitzetako bat da. Proiektua 2020an sortu zen, eta 70eko hamarkadatik gaur egunera arte euskal musikari eta artistei balioa ematea du helburu, hainbat ikuskizunen bidez. Horregatik, lehenengo bi edizioetan izandako harrera onaren ondoren, Fair Saturday Fundazioak -Arabako Foru Aldundiarekin batera- Korala ikuskizunaren hirugarren edizioa abiatuko du, datorren larunbatean, irailaren 20an, 19:00etan, Buesa Arenan.
Koralak euskal musikako abesti handiak estreinatuko ditu koru bertsioan, Arabako ikusentzunezko hedapen paregabean. Koralaren konponketa guztiak Fernando Velázquez Euskal konpositore ospetsuak egin ditu. Ia bi ordutan zehar, estilo eta belaunaldi ezberdinetako 20 abesti inguru izango dira entzungai, koru-pop bertsioan. Sorotan Bele, Doctor Deseo, ETS, Zetak, Zea Mays, Eñaut Elorrieta, Su Ta Gar edo euskal musikaren beste talde historiko batzuk.
Abesbatzen mobilizazio handiena Araban
Korala Arabako mobilizazio koral handienetako bat izango da. Guztira 33 abesbatzak parte hartuko dute, iaz baino 9 gehiagok, eta lurralde osoko 700 ahots inguru bilduko dira. Guztiek pop banda bat izango dute lagun, Aitor Antruejoren gidaritzapean. Koralak 30.000 euro inguruko diru-sarrerak sortuko ditu Arabako abesbatzentzat. Zehazki, honako hauek izango dira parte hartuko duten abesbatzak.
- 3 abesbatz nagusi: Coro Sinfónico de Araba, Coro Samaniego y Nurat Gazte Abesbatza. • 21 heldu -abesbatza: Orkarbi Emakumeak, Amalur Abesbatza, Escuela de Teatro Musical Artea adultos, Coro Iradier Gazte, Lûmina Taldea, Coro Ehuterpe, Coro Lantziego, Kataliturri Abesbatza, Coro Zurbano, Coro Vicente García, Mairu Abesbatza, Olabide Abesbatza, Coro Erribera Beitia, La Raspa de Gazalbide, Coro Ausartak, Coral Santorcariz, Canta Cantorum Abesbatza, Coro Urkanta, Coral Manuel Iradier, Coro Izartza y Coro Pozez Kantari.
- 9 haur-abesbatza, ikastetxeak eta musikakontserbatorio bat: Coro Niño Jesús Abesbatza, Papargorri Abesbatza, Lumturi Haur Abesbatza, Coro del CPM Jesús Guridi, Olabide Haur Abesbatza, Olabide Ikastola, Escuela de teatro musical Artea infantil, Escolanía de la Escuela Municipal de Música “Luis Aramburu” y Coro Pozez Kantari infantil.
Gatiburen azken kontzertua Araban
Aurten Ura bere Bidean Koralak aldez aurreko kontzertu oso berezia hartuko du. Gaur egungo euskal musikaren talde historikoenetako baten agurra Araban: Gatibu. Publikoak gozatu eta agur esango dio, merezi duen moduan, Euskal musikaren etorkizunean iraungo duten abestiez bete duen taldeari.
Urtean behin Araban
Zalantzarik gabe, Korala urteko ikuskizunik berezienetako bat izango da Araban. Iñaki Irastorzak diseinatutako argi eta efektuen hedapen handiarekin, publikoak emozio sakon eta une paregabeez gozatuko du hainbat orduz.
Aurreko bi edizioetan koralak sarrerak agortuta kartela eskegi zuen, 4.000 pertsona inguru bilduz giro kolektibo oso berezia sortzeko. Aurtengo ediziorako edukiera handitzea erabaki da, nahi duten guztiek parte hartzeko aukera izan dezaten. Guztira 6.500 sarrera espero dira. Ura Bere Bidean komunitateari zuzendutako aurre salmentan hainbat sektore agortu dira.
Sarrerak eskuragarri
Sarrerak eskuragarri daude publiko orokorrarentzat. Sarrerak salgai daude www.ubbkorala.eus webgunean, 17€-tik 39€-ra bitarteko prezioekin, kudeaketa gastuak barne. 12 urtetik beherakoek %20ko deskontua izango dute.
Aurkezpen ofiziala egiteko bertan izan dira Iñaki Guturbai, Arabako Foru Aldundiko Berdintasuna, Euskara eta Gobernantza Diputatua; Kepa Ortiz de Urbina, Laboral Kutxako komunikazio arduraduna; Alex Sardui, Gatibu taldeko ahotsa; Miguel Angel Otazu, Samaniego Abesbatzako presidentea eta Saioa Eibar, Fair Saturday Fundazioaren sortzailea.
ARGAZKIA: Arabako Foru Aldundia
