489.098 euro
Gobernu Kontseiluak onartu du astearte honetan 489.098 euro bideratzea 8.018 akzio izendun erosteko, Arabako Teknologia Parkeak egingo duen kapital-gehikuntzaren barruan.
Arabako Foru Aldundiak bete egin du, beraz, joan den ekainaren 12an Teknologia Parkearen Administrazio Kontseiluan hartutako erabakia, zeinean kapital soziala 4.399.930 eurotan handitzea onartu baitzen, 72.130 akzio izendun jaulkiz.
Okupazioa, % 91ean
Arabako Teknologi Parkeak bere jarduera hazten eta handitzen jarraitzen du, igarotzen duen une onaren eta bere instalazioen erakargarritasunaren sintoma. Horrela, Parke Teknologikoak % 91ko okupazio maila lortu du lursailetan eta % 80koa eraikinetan.
Jasangarritasuna
Teknologia Parkeak Mugikortasun, Jasangarritasun eta Irisgarritasun Unibertsaleko Planean jasotako jarduerak garatu ditu, hala nola eraikinen deskarbonizazioa, energia-kontsumoen monitorizazioa edo instalazio fotovoltaikoak ezartzea autokontsumorako energia berriztagarria sortzeko.
ARGAZKIA: Euskadiko Parke Teknologikoa
