Aramaioko Udalak 2025eko argazki lehiaketako irabazleen izenak eman ditu ezagutzera. Urtero bezala, aurten ere parte-hartze zabala eta maila artistiko handia izan dira. Guztira, 34 lagunek hartu dute parte eta 84 argazki aurkeztu dira, Aramaioko paisaiak, loreak eta herriko jaiak protagonista nagusi izanik.
Julen Axpe, irabazle
Sari nagusia Julen Axpe Alonsok eskuratu du, Egunsentia goitik izeneko lanarekin, eta bere irudia izango da 2026ko egutegiaren azala.
Epaimahaiak urtaro bakoitzeko lan onenak ere nabarmendu ditu:
- Negua: Anboto, Jose Luis Madina Uribarren.
- Udaberria: Ardixak keixapeien, Nuria Altuna Jauregi.
- Uda: Ardien ongi etorria, Leire Arrizabalaga Zubia.
- Udazkena: Basoa udazkenean, Aitor Rementeria Totorika.
Udalak eskerrak eman dizkie parte hartu duten guztiei, eta animatu ditu herriko txokoak urte osoan zehar argazkitan jasotzen jarraitzera. Egutegirako aukeratutako lanak Gabonetan ezagutuko dira, orduan banatuko baitira etxe guztietan.
ARGAZKIAK: Aramaioko Udala
