EKB Araba – Eraldaketa Komunitarioko Bulegoak komunitate energetikoei buruzko bi jardunaldi antolatu ditu irailean, industria-sektoreko enpresentzat. Ekimenaren helburua da Aiaraldeko eta Añanako enpresei energia berriztagarrien bidezko trantsizio energetikoa sustatzeko aukera ezagutaraztea eta lehiakortasuna hobetzea.
Irailak 10 – 10:00etan: Jardunaldia aurrez aurre Laudioko Arraño aretoan.
Irailak 24 – 10:00etan: Jardunaldia linean Añanako enpresentzat.
Energia berriztagarria, tokikoa eta elkarlanean kudeatua
Saray Zárate, Ekonomia Garapenaren eta Jasangarritasunaren Saileko diputatuaren esanetan, saio hauen bidez komunitate energetikoak sortzeko bideragarritasuna erakutsi nahi da, helburu bikoitzarekin: deskarbonizazioa bultzatzea eta industrialdeen barneko energia kontsumoa optimizatzea.
EKB Arabak 200 kontsulta baino gehiago jaso ditu jada herritarren, udalen, batzarren eta ETE-en aldetik. Galdera ohikoenak honako gai hauei buruzkoak izan dira:
- Komunitate energetiko bat sortzeko urratsak
- Gobernantza, funtzionamendua eta jarduera motak
- Finantzaketa eta diru-laguntzak
- Eguzki-plaken erabilera eta autokontsumo modalitateak
- Azterketa tekniko eta ekonomikoak
Askotariko eragileek interesa dute komunitate energetikoetan, eta horietako askok EKBren aholkularitza pertsonalizatua jasotzen ari dira beren proiektuak garatzeko.
Irailean egingo diren beste ekitaldi batzuk
Jardunaldiez gain, EKB Arabak irail honetan beste ekimen batzuk ere iragarri ditu:
- Tailerra Laudion: Komunitate energetikoek egin ditzaketen ekintzak, irailaren 10ean, 18:30ean, Arrañoko Kultura Etxean.
- Mahai-ingurua Aiarako Udaletxean, irailaren 18an, 18:00etan: komunitate energetikoei buruzko esperientzien inguruko solasaldia.
EKB Arabak 38 jardunaldi antolatu ditu orain arte Arabako herritarrentzat.
ARGAZKIA: Arabako Foru Aldundia
