Gorbeialdeko Bertso Abentura apirilaren 7tik 11ra egingo da Espejon, Pazko asteko oporraldia aprobetxatuz. Ekimenaren helburua da haur eta gaztetxoek euskaraz jolastea, bertso munduan murgiltzea eta inguruko natura eta kultura hobeto ezagutzea.
Lautada eta Gorbeialdeko Kuadrillek eta Laudio, Amurrio, Aiara, Artziniega eta Oiongo udalek elkarlanean prestatu dituzte egonaldiak.
Bi egonaldi Pazko oporretan
Gorbeialdeko Bertso Abentura bi txandatan egingo da, udaberriko oporraldira egokituta:
- Apirilaren 7tik 9ra, astearteetik ostegunera.
- Apirilaren 9tik 11ra, ostegunetik larunbatera.
Ekintza 2014an eta 2015ean jaiotako haurrei zuzenduta dago. Halaber, 2013an jaiotako eta bertso eskolan dabiltzan ikasleek ere parte hartu ahal izango dute.
Parte-hartzaile bakoitzak egonaldi bat edo bestea aukeratu ahal izango du izena ematerakoan.
Izen-ematea martxoaren 16ra arte
Gorbeialdeko Bertso Abenturarako izen-ematea online egin behar da, formulario baten bidez. Epea martxoaren 2an ireki da eta martxoaren 16an itxiko da.
Plazak mugatuak direnez, lehentasuna izango dute jarduera babesten duten udalerri eta kuadrilletako parte-hartzaileek. Ondoren, izen-ematearen ordena hartuko da kontuan.
Prezioa
Jardueraren prezioa honakoa izango da:
- 55 euro, antolatzaile diren kuadrilla eta udaletako parte-hartzaileentzat.
- 75 euro, gainerakoentzat.
Izen-ematea onartzen denean, ordainketa egiteko gutuna posta elektronikoz bidaliko zaie parte-hartzaileei. Informazio gehiago nahi dutenek informazio-diptikoa kontsultatu edo antolatzaileekin harremanetan jar daitezke helbide hauetan:
- araba@bertsozale.eus
(Arabako Bertsozale Elkartea)
- euskara@gorbeialdea.eus
(Gorbeialdeko euskara zerbitzua)
ARGAZKIA: Gorbeialdeko Kuadrilla
