Aste batez, ekainaren 30tik hasita eta uztailaren 6ra arte, hala nahi duten laudioarrek aurtengo Sanrokeen irudia aukeratu ahal izango dute euren gogokoenari bozka emanez. Botoak udaletxeko sarreran egongo den hautestontzian edo modu digitalean eman ahal izango dira, udalaren webgunearen bidez. Kartelak ere ikusgai egongo dira Udaletxeko sarreran eta webguneko atarian, herritarrek euren gustukoena aukera dezaten.
Sariak
Sariei dagokionez, helduen kategoriako irabazlea Laudioko 2025eko jaietako irudia bihurtuko da eta 1.200 euroko sari bakarra eskuratuko du. Bestalde, haurrentzako lehiaketaren irabazleak, 250 euroko material didaktikoa eskuratuko du, herriko dendetan erositakoa.
ARGAZKIA: Laudioko Udala
