Aramaioko Udalak eta Debagoieneko AEK-k elkarlanean jarraituko dute 2026-2027 ikasturtean herrian euskara ikasteko aukera eskaintzen. Helburua da orain arteko ikastaroak mantentzea eta eskaintza zabaltzea. 2025-2026 ikasturtean hiru talde izan dira martxan, eta datorren ikasturtean laugarren talde bat, C1 mailakoa, abian jartzea dute helburu, behar adinako izen-emateak lortuz gero.
Horrela, eskaintza honako ikastaro hauek osatuko dute:
- A1 maila, euskara ikasten hasi nahi dutenentzat.
- «Gure euskara hobetzen», hizkuntza gaitasuna hobetzeko ikastaroa.
- Mintzapraktika / B2 maila, ahozko erabilera eta komunikazioa lantzeko.
- C1 maila, sortzea aurreikusita dagoen talde berria.
Euskara erabiltzeko deia
Udalak gogorarazi du, gainera, iazko jaietako pregoian euskara ikasleek egindako eskaera: herritar guztiak animatu dituzte euskara ikasten ari direnekin eta, oro har, edonorekin euskaraz egitera.
Udalaren ustez, eguneroko erabilera funtsezkoa da hizkuntza ikasteko eta Aramaion euskararen erabilera indartzeko.
Matrikulazioa irailean
Ikastaroetarako matrikulazioa irailean egingo da. Informazio gehiago nahi dutenek edo izena eman nahi dutenek honako helbidera idatz dezakete: euskara@gorbeialdea.eus.
ARGAZKIA: Txus Díez
También te puede interesar
- Gorbeialdeko AEK-k zabaldu du 2026-2027 ikasturterako aurrematrikula epea
- Zuia acogerá la presentación de un proyecto piloto para reciclar plásticos ganaderos en Gorbeialdea
- Álava ampliará su red pública de cuidados con 60 nuevas plazas residenciales para personas mayores
- Arabako parke naturalek udako jarduera programa berria eskainiko dute astronomia, natura eta biodibertsitatea ardatz hartuta
