Aiarako Udala eta Hogeitalau Elkartea elkarlanean ari dira Gabonetako Lehiaketa 2025 berria antolatzen. Urtero bezala, euskaraz sortutako marrazkiak, postalak, komikiak eta ipuinak sarituko dira, eta aurtengo gaia hau da: Olentzero eta Mari Domingi Palestinara joan dira”.
Lehiaketan parte hartu ahal izango dute Aiaran erroldatutako edo Etxaurren Ikastolan ikasten duten 6 eta 16 urte bitarteko haur eta gazteek, lau kategoriatan banatuta:
- A Kategoria (6-8 urte): gaiari lotutako marrazkia eta izenburua.
- B Kategoria (8-10 urte): Gabonetako postala, gaiari lotutako marrazkia eta gutxienez 4 lerroko testua euskaraz.
- D Kategoria (10-12 urte): euskarazko komikia, gutxienez orri bat eta gehienez bi.
- E Kategoria (12-16 urte): euskarazko ipuina, gutxienez orri bat eta gehienez bi.
Lanek ez dute parte-hartzaileen datu pertsonalik izan behar, eta aparteko gutun-azal itxi batean jarriko dira honako datuak: izena, abizenak, helbidea, jaiotze-data eta telefonoa.
Lan guztiak Aiarako Udalean edo Etxaurren Ikastolan entregatu behar dira, eta epea 2025eko abenduaren 4a izango da.
Sariak
Irabazleek material edo kultur bonoak jasoko dituzte:
- A Kategoria: 70 € eta 40 €
- B Kategoria: 105 € eta 60 €
- D Kategoria: 145 € eta 80 €
- E Kategoria: 175 € eta 100 €
Epaimahaia Hogeitalau Elkarteak aukeratuko du, eta sariren bat hutsik utz dezake lanek kalitate egokia ez badute.
ARGAZKIA: Mentxuwiki/Wikimedia Commons
